ഒരു ചെറുകവിത

നിന്റെ ഓരോ ഓര്‍മ്മയിലും ഓരോ പൂവു വിരിയുന്നു
ഞാനിപ്പോഴെത്രയോ വസന്തങ്ങള്‍ വിരിയിച്ചു കഴിഞ്ഞു
ശിശിരമായ്‌ - ഇലകള്‍ കൊഴിയുന്നു
വേനലായ്‌ - പൂക്കള്‍ കരിയുന്നു
എങ്കിലുമെന്റെ പ്രണയത്തിനിന്നും നറുസുഗന്ധം

നീ കാതോര്‍ക്കുക, നിന്റെ ഹൃദയത്തുടിപ്പുകളെ
എന്റെ മന്ത്രണങ്ങളായിരിക്കുമത്‌
നിന്നെ തഴുകുന്ന ഇളം കാറ്റെന്റെ നിശ്വാസങ്ങളായിരിക്കും
കിളികള്‍ പാടുന്നത്‌ എന്റെ ഹൃദയഗീതങ്ങളാണ്‌

കാറ്റടിച്ചകറ്റുന്ന കരിമേഘങ്ങളെ കാണുന്നില്ലേ..
.അതെന്റെ മോഹങ്ങളാണ്‌
മഴയായി നിന്നില്‍ പെയ്തിറങ്ങാന്‍...
കാറ്റിനെ ശാസിക്കൂ, അല്‍പനേരത്തേയ്ക്കെങ്കിലും വീശാതിരിക്കട്ടെ...